Erraza da, Euskora kidetzen den pertsona bakoitzak gure elkartea lagun bezala aukeratzen badu, euskoz egin dituen erosketa guztien %3ko dohaintza sortzen du gure elkartearentzat! Euskoak banatu berri die 38 674 eusko dohaintza 55 bat elkarteei. Iaz berriz 29 066 eusko banatu ziren. Gero eta lagun gehiagok baliatzen dute euskoa, beraz dohaintzak gero eta handiagoak dira! Zuk ere parte hartu: Eusko kontu bat ireki hemen, 12 €/urtean besterik ez du kostatzen, eta ez da ondotik gastu gehiagorik:

Dans le formulaire d’inscription, mettez le nom de notre association dans la case «Association parrainée » Pour savoir ensuite où utiliser vos eusko, téléchargez l’annuaire Eusko recensant les commerces près de chez vous ou de votre travail : http://www.euskalmoneta.org/annuaires/

Zure eusko kontua ireki orduko, zure eusko erabilpenarekin zuzenean zure elkartearentzat sortzen duzun dohaintza begiratzen ahalko duzu. Sortutako dohaintza uztailaren 1etik kontuan hartzen da (Dohaintzaren zenbaketa urte oso baterako egiten da uztailaren 1etik ondoko urteko ekainaren 30a arte).

Xehetasun gehiago: Euskal Moneta, info@euskalmoneta.org edo 05 33 47 54 11. Euskoak inguramena, tokiko enplegua, laborantza herrikoia, hurbileko komertzioak eta euskara laguntzeko daraman lanari buruzko gehiago jakin nahi baduzu, xehetasun guztiak dituzu hemen: http://www.euskalmoneta.org/7-bonnes-raisons/ Milesker eta laster arte!

Cet article Merci pour votre utilisation de l’eusko ! est apparu en premier sur Lurzaindia.

Hastapenean, bizitzeko etxea eta lurrak saltzekoak ziren, laborari ez den pertsona bati. SAFER-aren laguntza galdegin du Lurzaindiak lur horien laborantza bokazioa atxikitzeko.

SAFER-ak lurrak azkenean berreskuratu dituelarik, Lurzaindiaren hautagaitza atxiki du.

Erosketa honeri esker, Lurzaindiak Martin Lemair-ren proiektua sostengatzen du, garagarnogile eta mahastizain gisa.

Garagarnotegi bat ideki ondoan, Martinek laborantzan plantatu nahi du eta etxaldeko garagarnoa eta arnoa ekoiztu, laborantza biologikoan.

Lurraren gaineko presioa azkarra da Euskal kostaldean. Emaitza baikorra da. Lurzaindia, gune hortan bereziki lurren laborantzarako erabilpena segurtatzen kausitzeaz pozten da, laborantza herrikoiaren zerbitzuko. Alabaina, eremu hortan laborantza biziki ahuldua da. Zuk ere, laborantza lurren begiratzea sostenga ezazu Euskal kostaldean, proiektu konkretu baten bitartez !

Cet article Nouvelle acquisition à Saint-Jean-de-Luz est apparu en premier sur Lurzaindia.

2020an, bi instalazio gauzatuko direla espero du Lurzaindiak. Bat Ahurtin, Lurzaindiak aspalditik badituen lurretan : duela 40 urte, GFAM Lurrak (leheneko Lurzaindiak) 9ha lur erosten zituen Ahurtin, Bittor Manrique baratzezaintzan inztalatzen lagunduz. « Laborantza biologikoan » ziurtatua izan den lehen etxaldea izan da.

Bittorek erretreta hartu duelarik (2012an), Lurzaindiak ezin izan zuen laborari berri bat berehala jarri lur horietan, produkziorako behar ziren eraikinak ez baitziren eraikitzen ahal (berotegiak eta biltegiratze gunea). Hemendik aitzina, PLU ( tokiko urbanizazio plana) berriak laborantzako eraikitzeak onartzen baiditu, baratzezain baten instalatzeari pentsatzen ahal da berriz. Beraz, Lurzaindiak obrak egokitzeak egin ditu.

Bestalde, Lurzaindiak 6 hektar(e)a erostea espero du Donibane Lohizunen instalatze berri bat laguntzeko xedea baitu. Euskal kostaldean laborantza lurrak azkarki mehatsatuak izanez, horien babesteko borondatea dugula erakusten dugu lurrak eremu hortan erosiz.

Cet article Deux nouveaux projets agricoles et alimentaires ! est apparu en premier sur Lurzaindia.

Fenomeno horiek laborantzako lurren prezioan ondoriak badituzte ere bai, laborantzatik bizi ez diren lur-jabeek « dirua egin » nahi baitute lurra eraikigarria izan dadin bultzatuz, hautetsi batzuek lur eraikigarri galdearen presioari amore emaiten baitute ; etxe agentziek fenomeno hori entretenitzen baitute ere bai beren aktibitatearen garapenaren alde… Lurra zaintzeko lehentasunezko borondatea erakusten duten PLUak arraroak dira, egia da!

Epe ertainera jasangarria ez den gurpil zoro batean gaude, lardura balio agronomiko oneko laborantzako gune batzu desagertzen baitira.

Elikagai-lurra zaintzeaz axolatuak diren laborari eta herritarak girelako, laborantza-lurraren artifizializazio galdua eta bereziki hiri-inguruko laborantzako-lurren "sakrifizioa" salatzen entseatzen gira (ditugun ahalekin). Bizi leku bat ukaitea, behar bezalakoa, eskubide bat da. Euskal Herrian bizi eta lan egin nahi dutenek bizi leku egokia izan dezaten nahi dugu. Hala ere, gure erranak denen gustukoak ez izanik ere, gehitu nahi ginuke laborantza lurraren artifizializazioan oinarritzen den etxe bizitza indibidualaren modeloa, bere lur sail indibidualarekin, ez dela eskubide bat eta metodo horren sistematizazioa ez dugula sustengatzen, lur anitz kontsumitzen baitu.
Arazo bati (etxebizitzari) erantzuteko laborantzako lurrak desagertarazten dituen gizartea, gizarte iraunkorra ote da, oinarrizko baliabide ez-berriztagarria betoiez estaltzen badu ?

Gure gizarteak ez al du bere lurraldearen antolamendua beste manera iraunkorrago batez pentsatzen ahal, tokiko elikadura eta etxebizitza beharreri errantzunez ?

Cet article 2020 : la terre nourricière toujours en danger ! est apparu en premier sur Lurzaindia.