Amalurra zain dezagun !

Lurzaindiak atsegin haundiarekin jakin du urre meategien proeiktua baztertua zela !

Lurralde osoaren mobilizazioaren emaitza da , dudarik gabe !

Hunen garantzia eta efikazitatea frogatuak izan dira

 

20170921-art-01

ELB Gazte eta AFI-k kafe instalazioak antolatzen dituzte aurtengo neguan.

Laborantxaz hitz egiteko, galderak pausatzeko, eztabaidatzeko eta elgar ezagutzeko parada emana da usaiaz kanpoko lekuan eta giro goxoan.

Hirugarren kafe instalazioa heldu den otsailaren 22an izanen da Atharratzeko Prefosta ostatuan, arratseko 9tan.

Bortuaren erabilpena eta biharko erronkak aipatuko ditugu artzain.tsa eta bortuko eremuen kudeatzaileekin, besteak beste.

Kafe instalazioak deneri idekiak dira!

Document1

Lurzaindia pozten da Frantses Estadoak Notre Dame des Landes aireportuari buruz hartu duen erabakiaz. Gisa hortan 1600 ha lurrek atxikiko dute beren funkzio normala bizi eta janari emanez gizon abere eta landareer.

Lurzaindiaren ezpiritu berean borrokatu dira NDDLeko zadizta eta laborariak , erran nahi baita : « lurra gaizki erabiltzen duen debaldeko proeiktu baten kontra ».

Euskal Herrian laborantxako lurra , gatza urean bezala hurtzen den memento huntan , erakutsi daukute ainitz borroka irabazten ahal direla indar biziak elgarretaratuz. Etsenplu ederra uzten daukute…

 

Siorée Kabaret Gaua

 

Aurten ere KABARET GAÜALDIAlat kümitatzen zütügü, barantailaren 3an neskenegünarekin, gaüko 9 orenetan, Posonpesenean LURZAINDIAren kanpainaren alte :

  • INGANAMUNDO Mixel ETXEKOPAR, Sacha STANDEN eta Jean-Mixel BEDAXAGAR.

Lehenago ostatüetan entzüten ziren harat honatak gogoan, Jean Mixel Bedaxagar-en ixtoria, ipuin eta zahar hitzetaz gozatzeko parada dükegü. Artetik, kantore zonbaiten  behatzeko parada badate, Mixel Etxekopar eta Sacha Standen-en lagüntzarekin.

  • « Mairu Dantza » Mirentxu AGUERRE eta Xabier ITZAINA

Mairua bestea da, kanpotiarra, etorkina, desberdina dena. Europan, Ameriketan edo Afrikan, mairu herrietan egin bidajetan hontü kantore zonbait agertüko dütüe Mirentxu Aguerre (kantore eta perküzioak) eta Xabier Itzaina (gitarra, ud, xirulan eta kantan) aspaldiko lagünak.   

Biskotxak eskeiniko dütügü plantatürik diratekean mahain ttipietan.

KABARET GAÜA LURZAINDIAren alte dateke. Arrokiagako Ezkanda etxaltearen erosteko diharü biltze kanpaina eramaiten dü LURZAINDIAk. Denen parte hartzeari esker,  hor berean laborantxaz bizitzen jarraikitzen ahalko dü Anne LAVIS ahüntz hazleak.

 


MUSKILDI BIZI

Prentsa harremana / contact Presse :

Popol BOSCQ - Tél : 05 59 28 29 54 - E-mail hau spam roboten kontra babestuta dago. JavaScript aktibatuta izatea behar duzu hau ikusteko.

 

 

elb-lurzaindia

 

Prentsageria

Kanboko PLUa bozkatuko dute Euskal elkargoko hautetsiek gaurko bilkuran.
Berriz ere, laborantxako lur andana batek elikatzeko gaitasuna galduko du betiko : balio agronomiko haundia duten 11 hektara eraikigarri bilakatuko dira, lur berri bat ere ez delarik emanen laborantxan aritzeko.
Lur gehiago pasatzen dela A (laborantxa) edo N (naturala) sailan agertzea, kalkulu tronpakor baten ondorioa da : lur horiek laborantxarako ahalik eskaintzen ez duten zati ttipi andana baten gehiketa dira edo jadanik laborantxan erabiltzen diren lurrak dira, sailkapen xuxena berreskuratzen dutena.
Gauza beraz ohartzen gira beti : LABORANTXARAKO EREMU BERRIRIK EZ DA SEKULA SORTZEN PLU-etan !

Laborantxak galduko duen eremuaren parte bat Kanbo sartzean da, Marienia artatze zentroa baono lehen ; laborantxako interes haunida du bainan ere pasaiarendako. Eraikitzen bada, herriaren itxura azkarki aldatuko da.

Lan eremu baten sortzeko beharra aintzinatuko da hain segur PLUaren justifikatzeko. Hautetsiek ez ote dute beren herriko eremutik zabalago pentsatu behar lan eremuen gogoetaldi eta planifikazioan (jakinez ainitz lan eremu ez direla beteak) ? Paisairi buruz kalte gutiago egin lezaken eremurik ez ote da ?

Eta zergatik beste ahanzten da laborantxa ere aktibitate ekonomikoa dela, iraunteko eremu beharra duena, eta lurraldeari balio erantsi haundia emaiten diona ? Hiri bazterreko laborantxak, azkarki ahuldua dena, sustengatua izaiteko beharra badu, ez kaltetua izaitekoa.

Bestalde, etxebizitzarako beharretaz mintzatu behar bada, oroitaraz dezagun Kanbo egunero baliatuak diren 2747 etxe bizitzen ondoan badirela 1009 bizitegi, hauek bigarren etxebizitza, etxe huts edo artetan okupatuak direnak, hots herriko bizitegien %27a !!

Hautetsiek (kontsumitzaileak direnak ere), noiz nahi diote laborantxako lurren zaintzeari atxikiak direla, janaria ekoizteko eremuak nahi dituztela hirien ondoan, hurbileko eta kalitatezko elikadura ukaiteko, etab.
Noiz pasatuko gira hitzetik obretarat ? Noiz lurraldearendako on denaz luzarako ikuspegia ? Kanboko proietua den bezala ez bozkatzea galdegiten diegu hautetsieri, luzarako ondorioa sobera larriak direlako !

PLU-en bozkatzean geldialdi bat behar da, laborantxaren lurren beharraz eta inportantziaz gogoeta zabala eralan artean.

--

Bozken emaitza :  108 hautetsi, 48 kontra et 40 abstentzio. Lehen aldia da deliberazio bat ez dela onartua ahobatezkoan eta hautetsi andana batek ez duela onartu ! Beste hautetsiek laborantza lurren geroari buruz eta laborantzaren konpetentzia hartu duen Euskal hiri elkargoaren errolari buruz dituzten kezkak adierazi dituzte.

LURZAINDIA gaur egun :

  • 379 ha laborantza lur
  • 21 etxalde
  • 30 laborari
  • 3432 akziodun

Gurekin elkartu !

Edozein pertsona fisiko edo morala LURZAINDIAren akziodun izan daiteke. Pertsona, herri, herri-elkargo, elkarte eta enpreseri zabaltzen dugu deia.

btn souscription eu

Azken berriak

  • Sudmine proiektuaren errefusatzea!

    16-02-2018

    Lurzaindiak atsegin haundiarekin jakin du urre meategien proeiktua baztertua zela ! Lurralde...

  • Kafe instalazioa

    13-02-2018

    ELB Gazte eta AFI-k kafe instalazioak antolatzen dituzte aurtengo neguan. Laborantxaz hitz...

  • Notre dame des Landes

    22-01-2018

    Lurzaindia pozten da Frantses Estadoak Notre Dame des Landes aireportuari buruz hartu duen...

La lettre d'info

logo newsletterPour vous abonner à la
Lettre d'information de Lurzaindia

Facebook

facebook logoRetrouvez-nous
sur Facebook